Maadili ya Msingi

Idara ya Elimu ya Kanisa la TAG ina maadali ya msingi sita kama yalivyoainishwa hapo chini.

Utakatifu na Uadilifu

Kila mtumishi na mwanafunzi katika Idara ya Elimu atadhihirisha uaminifu wake kwa Mungu kwa kuishi maisha ya utakatifu, uadilifu pamoja na nidhamu ya kiroho katika maeneo yote ya maisha na utumishi wake.

Uaminifu kwa Biblia

Kila mtumishi na mwanafunzi katika Idara ya Elimu ataamini na kudhihirisha kwa matendo na mwenendo wa maisha yake kuwa Maandiko Matakatifu yamevuviwa na Mungu na ni ufunuo wa Mungu kwa mwanadamu na ni kiongozi cha imani kisichoshindwa wala kubadilika

Uwajibikaji

Kila mtumishi na mwanafunzi atakuwa wakili mwaminifu kwa kufuata na kutii kanuni na sheria zinazomhusu. Atatakiwa kutumia fedha na mali za Idara kwa kuzingatia taratibu, malengo na makusudi yaliyowekwa. Hii ni pamoja na kutoa taarifa za mapato na matumizi ya fedha kwa wakati na mahali husika

Kufanya kazi kama timu

Kila mtumishi na mwanafunzi atakuwa na mahusiano yanayoonesha upendo na nia moja inayowezesha kufanya kazi kama timu kwa manufaa ya wote na kwa utukufu wa Mungu.

Ibada

Kila mtumishi na mwanafunzi atadumisha uhusiano wa karibu na Mungu kwa kumsifu, kumwabudu, na kuwa na mawasiliano Naye kwa njia ya kumsikiliza kupitia Neno na maombi.

Ufanisi

Kila mtumishi na mwanafunzi atatimiza wajibu wake kwa juhudi na maarifa kwa lengo la kupata matokeo bora ya kazi yake.

Uongozi wa Idara ya Elimu TAG

edu3

Jonas Mkoba

Mkurugenzi
edu4

Gerald Ole-Nguyaine

Makamu Mkurugenzi
edu5

Joyce Musembe

Katibu
edu6

Tadei Mbuta

Mtunza Hazina
Kuvuna wale waliopotea ndilo kusudi la kuwepo kwetu sisi
Kauli Mbiu
Idara ya Elimu
Kuandaa watumishi wa Mungu waliojawa na Roho Mtakatifu ili kuyafikia Mataifa
Kauli Lengo
Idara ya Elimu